Adan,d'amour vous demant

Adan, d'amour vous demant
Jeu - Parti
(J. BRETEL - A. de la HALLE)

"Adan, d'amour vous demant,
Que m'en dichiés sans cheler:
Dou quel pueent plus trouver
En amour li fin amant,
Ou du bien ,ou du mal?
Vous le deves
Mout bien savoir, car esprouvé l'aves!

Sire, je voi l'un dolant
L'autre lié de bien amer:
Mais je m'en doi blasmer
Car j'en go, et nepourquant
Comment que faite en soit me volentés,
li maus  plus que li bien  i est trouvés!

Adan, a guise d'enfant
Me repondés, c'est tout cler!
On n'i puet tant endurer
De maux, che sevent aucquant,
C'uns tous sens  biens n'estaigne les grietés
C'on a senti: li biens  pert plus assés.

Sire, amans, en soeffre tant
C'on en voit maint desesperer
Deduit et riqueche grant:
Et d'autre ârt chascuns n'est pas amés
Qui a les biens d'amour chiés comperés!

Adab, tout li plus souffrant
Dou pis c'amour set donner
N'en veulent mie saner:
Dont est il bien apparant
Que li biens est assés plus drus semés,
Car maus quiu plaist ne doit estre contés.

Sire amour trouvai quisant
Quant je le solaoie anter,
En villier, en desirrer.
En penser et en doutant:
Mais point n'estes d'amour bien embrasés:
Pour chou n'i cuidés point tant de durtés!

Ferri, on trueve lisant
Que tant de mal n'a pas li condamnés
Con a de joie ichil qui est sauvés.

Grivelier, en aquerant
Est chascuns plus traveillés et penés
Qu'il ne soit au despendre reposés!

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

banniere-1.png

Créer un site gratuit avec e-monsite - Signaler un contenu illicite sur ce site